გადაჭრის გზა

პირველ რიგში მუნიციპალიტეტმა უნდა შეიმუშავოს გენდერული თანასწორობის სტრატეგიული დოკუმენტი. წარმატების განმსაზღვრელი ფაქტორები  (კონკრეტული მუნიციპალიტეტისათვის სპეციფიკური ფაქტორების ჩათვლით); სწორად შერჩეული სეგმენტი, ხელმძღვანელი პირების ინტერესი და მხარდაჭერა, არასამთავრობო ორგანიზაციების ჩართულობა, მუნიციპალური გენდერული თანასწორობის საბჭოს წევრების დამოკიდებულება და მიდგომა.

მუნიციპალიტეტში მცხოვრები ქალების სოციალურ-ეკონომიკური გაძლიერება, გააქტიურება, სოფლიდან მიგრაციის შეჩერება, ქალები, როგორც საზოგადოების სრულფასოვანი და თანაბარუფლებიანი წევრების განვითარების ხელშეწყობა, სტიმული, მოტივაცია და მაგალითი სხვა ქალებისთვის, რათა უფრო მეტად გააქტიურდნენ და თავიანთი იდეების განსახორციელებლად მონაწილეობა მიიღონ როგორც  მუნიციპალიტეტის მერიის მიზნობრივ პროგრამებში, ასევე, სხვადასხვა არასამთავრობო ორგანიზაციების და დონორების მიერ გამოცხადებულ საგრანტო კონკურსებში. აღნიშნული პროგრამის ერთ-ერთი მიზანი კი დონორი და არასამთავრობო ორგანიზაციების დაინტერესებას წარმოადგენს, რომლის მიმართულებით პირველი ქმედითი ნაბიჯები გადადგმულია. გერმანიის საერთაშორისო თანამშრომლობის საზოგადოების (GIZ) მხარდაჭერით განახორციელა პროექტი ,,ქალების და ახალგაზრდების გაძლიერება შუახევის მუნიციპალიტეტში“. პროექტის ფარგლებში მონაწილე ქალებმა და ახალგაზრდებმა გაიარეს სასწავლო კურსი შემდეგ თემებზე: ადგილობრივი თვითმმართველობის განხორციელებაში მოქალაქეთა მონაწილეობის გარანტიების და ფორმების, პეტიციის მომზადების და წარდგენის, ბიუჯეტირების პროცესი და პროცესში მოქალაქეთა ჩართულობის, საპროექტო იდეების და ბიზნეს-იდეების შემუშავება. განხორციელდა ქალთა საჭიროებების კვლევა, რომლის ფარგლებშიც მომზადდა შესაბამისი დოკუმენტი. პროექტის ფარგლებში შემუშავდა ოთხი პეტიცია, აქედან ორი აჭარის ავტონომიური რესპუბლიკის უმაღლეს საბჭოში წარსადგენად, ორი კი შუახევის მუნიციპალიტეტის საკრებულოში. პეტიციის მიზანია აღნიშნული პროგრამის დანერგვა და განხორციელება ყველა მუნიციპალიტეტში, აჭარის რეგიონის მასშტაბით. 

პროგრამა ,,ქალთა სოციალურ-ეკონომიკური გაძლიერება“ ხელს შეუწყობს მუნიციპალიტეტში დამწყები, მიკრო, მცირე და საშუალო მეწარმეობის განვითარებას, მეტი ბიზნეს იდეის, მეწარმე ქალის და სამუშაო ადგილების გაჩენას, სოფლად დაწყებული მიგრაციის შეჩერებას, ადგილობრივი ეკონომიკური განვითარების ხელშეწყობს, ბიზნეს კავშირების დამყარებას და გაძლიერებას. თანაბარ და მდგრად ეკონომიკურ ზრდას, გაუმჯობესებულ ეკონომიკურ მმართველობას, მეტ კონკურენტუნარიანობას და დასაქმებას, ასევე ქალთა თანაბარი უფლებების და გაძლიერების მხარდაჭერას, რომელმაც ეფექტური შედეგი გამოიღო. პროექტი გულისხმობს მცირე და დამწყები ბიზნესის განვითარების ხელშეწყობას, მუნიციპალიტეტში რეგისტრირებული ქალების და ქალთა საინიციატივო ჯგუფებითვის. პროგრამის ფარგლებში, მუნიციპალიტეტის მერიის მხრიდან ერთი პროექტი არაუმეტეს 5 000 ლარით იქნება დაფინანსებული, გამარჯვებული პირის თანამონაწილეობით.  პროექტის სრული ბიუჯეტი 15 000 ლარია.

დაფინანსებული იქნა შემდეგი სახის პროექტები: ჟოლოს ბაღის მოვლა შენახვისთვის სარწყავი-წვეთოვანი სისტების მოწყობილობა, ლაზერული ჭრისა და გრავირების დანადგარის შეძენა ხელნაკეთი დეკორაციების, ორიგინალური და განსხვავებული ნივთების შესაქმნელად, წარმოებისა და სოფლად ტურიზმის განვითარების მიზნით, სოფელ ბრილში, თიხის სახელოსნოს ,,ბრილი - არტის“ მოწყობა, მცირე საოჯახო მეურნეობის ხელშეწყობის მიზნით ხილის საშრობი დანადგარის და მცირე ფერმერული მეურნეობის განვითარებისთვის ინკუბატორის დანადგარის შეძენა, საოჯახო ტიპის სასტუმროს განვითარება და საკონდიტრო საწარმოს გახსნა დაბა შუახევში.