გადაჭრის გზა

ამ გამოწვევების საპასუხოდ, 2021-2022 წლებში, ონის მუნიციპალიტეტის პარტნიორობით, „მერსი ქორფსის“ პროგრამის ფარგლებში, ქალაქ ონში შეიქმნა „ქალთა ოთახი“. ეს სივრცე იქცა ინფორმაციისა და კონსულტაციების მიღებისთვის ხელმისაწვდომ ადგილად, რომელიც ყოველწლიურად 200-ზე მეტ ადამიანს ემსახურებოდა. თუმცა, სოფლის ტერიტორიებზე ამ სერვისის გაფართოება კვლავ გადაუდებელ საჭიროებად რჩებოდა, განსაკუთრებით იმ თემებში, რომლებიც რუსეთის მიერ 2008 წლის ომის დროს ოკუპირებულ ტერიტორიებთან ახლოს მდებარეობდა.

ამ საჭიროებებზე საპასუხოდ, ბულგარეთის საელჩოს გრანტის ფარგლებში განხორციელდა ახალი პროექტი, რომლის ფარგლებში ორი ბიბლიოთეკა – ღარსა და გლოლაში – „ქალთა ოთახებად“ იქცა. ამ სივრცეების ტექნოლოგიური აღჭურვილობა და ინკლუზიური მიდგომა ქალებს ციფრული განათლებისა და სამეწარმეო უნარების განვითარების შესაძლებლობას აძლევს.

განსაკუთრებით აღსანიშნავია, რომ სწორედ გლოლას ადმინისტრაციული ერთეული მოიცავს შოვს, სადაც 2023 წლის 3 აგვისტოს ტრაგედია მოხდა. მოსახლეობას განსაკუთრებით ესაჭიროება თანადგომა და მხარდაჭერა, რაც ამ პროექტს დამატებით მნიშვნელობას ანიჭებს.

ინიციატივა არა მხოლოდ ქალების სოციალურ-ეკონომიკურ გაძლიერებას უწყობს ხელს, არამედ მთლიანად თემის მედეგობასაც. პროექტი აერთიანებს ქალთა განათლებას, გენდერული თანასწორობის ხელშეწყობასა და ინკლუზიური სერვისების განვითარებას, რაც ონის მუნიციპალიტეტისთვის მდგრადი და გრძელვადიანი განვითარების წინაპირობას წარმოადგენს.